Samtalið - lykillinn að árangri

Samtalið - lykillinn að árangri og betri kjörum

Reglubundin og uppbyggileg samskipti við samningsaðila og stjórnvöld eru lykillinn að því að tryggja betri kjör og hagsmuni félagsfólks VR. Kjarasamningar eru ekki aðeins tæki til að bæta kjör, heldur líka vettvangur til að ræða og leysa úr þeim málefnum sem brenna á félagsfólki hverju sinni.

​

Ég tel það mikilvægt að stíga einu skrefi lengra í þessari vinnu og hefja samtalið enn fyrr þegar kemur að undirbúningi kjarasamninga. Með tímanlegum og markvissum samskiptum getum við náð betri árangri í bættum kjörum og hagsmunamálum félagsfólks.

​

Sem formaður VR, mun ég leggja mikla áherslu á:

• Reglubundin samskipti: Stofna og viðhalda öflugum samskiptavettvangi við samningsaðila félagsins og stjórnvöld, með það að markmiði að ná sem bestum árangri fyrir félagsfólk.

• Tímanlegur undirbúningur kjarasamninga: Hefja samtal fyrr en áður og tryggja að félagsfólk hafi skýran vettvang til að koma sínum sjónarmiðum og þörfum á framfæri áður en viðræður hefjast.

​​

Félagsfólk VR á að geta treyst á sýnilegan og aðgengilegan formann sem er til staðar fyrir þau. Ég mun leggja áherslu á að vera til taks á öllum starfstöðvum félagsins og hlusta á raddir félagsmanna. Með opnu samtali og virkum samskiptum mun ég tryggja að málefni félagsfólks séu í forgrunni. Af hverju skiptir þetta máli?

​

• Góð samskipti skila árangri: Reglubundin og markviss samskipti við samningsaðila og stjórnvöld eru grunnurinn að því að ná betri kjörum og leysa úr brýnum málefnum.

• Aukin tengsl við félagsfólk: Með aðgengilegum formanni tryggjum við að félagsmenn fái vettvang til að ræða það sem þeim liggur á hjarta.

• Bætt kjör og lífsgæði: Þegar við hlustum á félagsfólk og byggjum upp öflug samskipti, styrkjum við grunninn að betri framtíð fyrir alla.

​​

Með opnum og uppbyggilegum samskiptum, bæði við samningsaðila, stjórnvöld og félagsfólk VR, getum við tryggt að málefni félagsfólks séu sett í forgang. Ég mun leggja áherslu á að vera sýnilegur formaður sem hlustar, tekur þátt og vinnur markvisst að því að bæta kjör og tryggja réttindi félagsfólks.

Með opnum og uppbyggilegum samskiptum, bæði við samningsaðila, stjórnvöld og félagsfólk VR, getum við tryggt að málefni félagsmanna séu sett í forgang.